廣州番禺長隆之旅

舊年11月中我同周老闆、老豆and亞媽(陳太)跟美食之旅去了廣州番禺長隆玩。話咁快又一年了，時間過得真係快，開心的日子特別容易過，再過一個月就到2011年了。

已跟美食之旅去過幾次旅遊，每次都幾滿意。因為有老人家，所以我選擇行程會小心一D，專揀一D比較容易行的地方，最好是行2至3個景點，跟住回酒店自由活動就最合心意。美食之旅就做到這點，所以我好多時去大陸玩都跟美食。

講回長隆之旅，因為住宿新長隆酒店，所以團費都幾貴，不過都值得。酒店幾大，都有幾多地方行，D房好大好靚，每間房等都有露台，望出去D景色都幾怡人，幾舒服。

 

露台望出去的觀景

酒店房

 

 

 廁所

晚上要睇馬戲表演，所以好早已吃晚餐。表演好多人睇，成個觀眾席滿晒，有D人仲要企添。成個表演好好睇，有空中飛人、電單車飛鐵圈、跳水等。更可以見到好多各式各樣的動物，牠們的表演亦令你非常開心，不會有冷場。因為好好睇，所以時間過得好快。總括來講個馬戲表演真係值得一看，男女老幼都會看得開心，$150元是抵的。睇完表演就回酒店梳洗，之後就到樓下餐廳食宵夜。有好多各國美食選擇，味道都幾好。因為是酒店所以價錢就會貴D，我同周老闆唔係order咗好多嘢，都成人仔$170蚊，你話貴唔貴？

第二天在酒店吃自助餐，因為11:00am至集合，有好多時間，就周圍行下and影下相咁。

中外馳名的白老虎

中午就吃了一頓豐富的午餐，D餸幾特別，以下就是其一

麵包雞

 

 

 

 

 

 

 

 

 

 

 

打開後的麵包雞

  

 總括來講長隆是值得一遊的，如果想慳D錢，可以自己上網租酒店，不住長隆酒店，租住它附近的酒店就會平好多。其他酒店質數都幾好，附近亦有大量食店，聽講都好好味的，大家可一試。

 

 

 

 

 

 

 

 

 

 

東海大閘蟹

前晚約了朋友去吃大閘蟹，本來想試下尖沙咀THE ONE的東海，但因它要收加1 兼茶價，所以我決定去番美麗華廣場的東海，反正食同一樣野，無理由比多咁多錢架。除了 THE ONE店外，其他的東海都是全免加1小費架；大閘蟹餐每位$280，都幾多野食，有2隻大閘蟹、2隻蟹粉小籠包、2片蟹粉多士、佛跳牆、清炒時菜、酸辣烏冬及薑汁湯丸。而且晚上8:30pm去仲平D添，好似係$238, 真係勁抵呀！

美味大閘蟹連醒哥都話好呀！哈哈

佛跳牆

 蟹粉小籠包

• 飲食

結婚小禮物

年尾最多朋友結婚，最近已飲了兩次。一對新人為多謝各親朋戚友來臨，好多時都會送小禮物做回禮，現在的小禮物有很多選擇，但大多數人會揀送環保袋或朱古力。
現在乜都講環保，人人都自備環保袋，所以送環保袋既流行又實用，可謂一舉兩得。朱古力就寓意甜甜蜜蜜，都非常合適。

記得當年自已籌備婚禮時，亦都想送一D小禮物給光臨的來賓。我希望收到禮物的朋友，只要見到份禮物，就會想起我同周老闆曾經送過一張紅色炸彈給他們，哈哈哈。所以我就希望那份禮物是獨一無二，特別一D。最後決定的禮物是一個香包，當然，大家會覺得香包有幾特別同新鮮，但係我的香包獨特之處是全人手Hand Make，名叫Cindy牌，即係一針一線全是小沙B自已做的。勁呀！

因為我們並不是擺太多酒席，大約12圍到，所以只需要做約170個香包。我就選擇了2個款式。一個是可以 Refill 的，可以除喜好更換花香味，另一個就 無得換，大家就要隨緣睇下得到邊個啦！

170個香包話多唔多，但話少亦唔見得真係少，如果只係在晚上織一定不夠時間，好彩因工作關係，我可以開工時偷懶織。足足忙了幾個月至完成第一個步驟，而我覺得織都不太傷神，最傷神及花時間反而是第二個步驟，因為要每粒珠珠釘上去，慘慘慘，眼都痛埋，周老闆亦有幫手，他幫手將D玫瑰花瓣入袋，再交給我加工，我們分工合作，完成創舉。當我完成個香包時，我真係開心到喊，雖然花了好多時間同心力去做，但我覺得係值得的。因為它是我同周老闆送給大家的禮物 ，我知道大家一定會喜歡  。

現在最激氣就係當日無影低所有小香包的照片，真係好可惜。手頭上只剩下二、三隻留念。等我得閒D再織D至得，留念下都好，但係現在再織都唔係果樣野啦！

盛載小香包的紙袋

最後的3個 

我本身好鐘意洋牡丹花，所以結婚花球都用牠。但係花店好少人用洋牡丹做兄弟姊妹的襟花同手花，因為成本幾高而且唔一定有貨，咁點算好呢？既然係咁我就自已做。做出來都幾靚嫁。大家睇下

   姊妹手花       

 兄弟襟花

老豆出院了

上星期三老豆入威爾斯醫院做射頻手術，昨天終於出院了。我們一家人可以暫時鬆一口氣了。

威爾斯醫院十月中遷入新大樓，老豆都可以話係第一批新病人。新大樓病房比舊的大好多，每個病房只收六個病人，地方寬闊了，無咁迫(結)，環境都舒服D。

射頻手術原來不須要麻醉的，老豆話做的時候都幾痛幾辛苦，會覺得灼熱，好似比火燒咁，做定後就唔痛，之後只須要臥床一日，但就三日不能吃東西，之後都只許 吃粥水。昨天出院後，他已急不及待去吃飯，老人家覺得無吃飯總是周身無力。今天他已經照常活動，行下公園，同D公園Friend吹下水添，比佢激死，見到 佢行得、走得、食得都好開心，咁証明佢無乜事，已在康復中。

在這6日5夜，每次去探病時都有好深感受。當你見到其他病人時，你會好感觸，好感慨。無論你乜野年紀，病魔或死神隨時都會來找你。在醫院裡，一個年輕人，入到醫院至發覺原來生命已到了盡頭，可悲的時他太太就快生BB。又有一D老人家，已經不能活動，不能吃同喝，每天只靠儀器維持生命，當人要咁樣至能活著，究竟係好事定係壞事呢？生命長與短並不重要，最重要是活得開心快樂，金錢多與少亦都不重要，因為知足常樂，平淡是福。人既欲望係無盡，俗語話:上得床來牽被衿，得一又想二，永遠都唔會話足夠，咁樣生活都幾辛苦。輕輕的我走了，正如我輕輕的來，到死後大家都只係瞓四塊半(棺材)，你我都無分別。

身體健康好重要，大家要多多注意，亦要多關心身邊人，亦要記著年年驗身咁先會令你安心

祝願各位身體健康

結婚紀念日

前幾日就講在映月樓擺酒，今天就講在映月樓慶祝結婚週年紀念日。之前都講過，每年正月十五我地都會去回味一番。柔和的燈光配上美味的食物，再加上維港的美景，仍然覺得好正！

結婚兩週年紀念

結婚三週年紀念

• 飲食