日本大災難

香港好多人喜歡到日本旅行，我與周老闆都是其中一個。新年後已經開始plan去日本旅行，我好想去日本東北，在乳頭溫泉浸溫泉、松島餵海鷗，我本來選擇三月份出發，因這是藏王雪山睇冰樹的最後月份，但因周老闆要四月至可以攞假，所以最後就放棄了東北而改去中部了。

一切已經準備好，package都已經比了錢，酒店已經book好了，而行程亦差不多寫好，但我們臨門撻Q，去不成了，因為奶奶身體出現了問題，需要做手術，我們要留下來給她加油，及照顧她。我們已經預備放棄出發，亦已經接受無得退錢，其實都覺得可惜，但當11/3/2011大地震及海嘯後，我就覺得自己非常幸運，因為如不是以上種種原因，我應該地震時在東北。回望去看，大家覺得我是否真係幸運呢？

我本身無宗教信仰，但就非常相信冥冥中有主宰，無論是大事或小事，開心或唔開心、高興或憂愁等，每件事上天都一早已經為你安排好，想避亦避不過。好似今次的旅行，由選擇地點至改行程，奶奶的病，日本大地震同海嘯等…一切一切都已安排好。最近咁多天災發生，唔通真係2012年世界末日來臨，定係上天比D訊息我地，要我地珍惜地球，保護環境，不要浪費資源，若果我們環保D，可唔可以少D核電廠呢？

祝願日本平安，東北人加油，遠離苦難，全世界人支持你們

結婚紀念日

正月十五元宵佳節至慶祝完農曆結婚紀念日，話咁快今天己是新歷紀念日，基本上我比較注重正月十五那一天，因為特別D。之前都講過每年都會回尖沙咀映月樓慶祝，今年都不例外，但今年的映月樓己經變了，因它重新裝修過，新有新好，它更漂靚，更華麗，所有野都是新的，比人一種煥然一新的感覺。

正月十五結婚紀念日晚餐 (尖沙咀映月樓)

周老闆送給我的禮物之一 (係隻好可愛的蟹仔)

正月十五周老闆已經送了份禮物給我，我已經非常開心。今天只係想借D意出街吃下飯，跟本沒有想過特別慶祝；但這只是我的想法，周老闆就用盡心思來氹我開心，今次他非常成功，我好感動，上天真係無遺忘我，派一個咁好既天使來守護我。

今天佢一早就編排好一切，由一張咭到禮物再到晚餐，每樣野都做得非常細緻，令人好窩心，我開心死了，亦令我開心到喊了。他實在太太太好了，點解我咁幸運嫁，可以遇見他，是我一生的最大成就，哈哈。