沖繩開心的第二天上午

第二天，天氣好好，藍天白雪。















我們租了車，所以8:30 am就check out 去DFS辦攞車手續。我們租四日車，加埋保險￥16,630，好抵呀！

DFS大門口，左邊就是OTS counter

























由一位講國語的女職員驗車及講解個GPS。我們部車係日產Cube(銀色)，好Q呀。周老闆在停車場兜了二個圈，實習下，感覺非常良好，之後就向自駕遊第一個景點海中道路出發。

Cube正面

沖繩駕車不能夠超過50時速，我們是良好市民，更係跟足，仲要比其他車過晒頭添，安全第一，最重要。

旅行新成員(小灰 and 旺財)


























沿途風景好靚，好舒服，我們去到一半路程，就停了下來影相。














果度好大風，可以吹得郁我，幾咁誇張呀！海邊好寧靜，好舒服，仲有人玩滑翔傘。


























小灰and 旺財好Friend













佢2個，好有理想咁嘅樣













我們影了一陣相，就朝第二個景點出發，勝連城跡。由海中道路去勝連城跡只需要10 mins車程，好快就到。

 
 
 
 
 
 
 


勝連城跡

在勝連城跡，只是影了幾張相，無乜特別，叫就曾到此一遊咁！

之後，就去泡瀨漁港吃海膽伊勢海老做午餐。由勝連城跡去亦只需要15mins車程
。就在差不多到泡瀨漁港時…

意想不到的事情發生了，在不知不覺間，我們發生交通意外呀！

沖繩開心的第一天

滿心歡喜的沖繩旅行，因發生了交通意外，除了第一天行能夠順利完成外，餘下的一一取消了。

乘坐的香港航空沒有delay，準時起飛。2:20PM已經到達那霸機場，check in加埋搭單軌火車到美榮駅的Richmond Hotel，一個鐘頭已經攪掂晒。

那霸單軌火車駅


Richmond Hotel (semi double room)


休息了一陣，就出發去國際通，提早D吃晚餐。晚餐當然是第一牧志市場的海鮮喇。我們在地下買海鮮，真係唔洗識日文，他們是福建人講國語，我們買了龍蝦、夜光貝、蟹、虎蝦、一D剌身，Total ￥12000。跟住就上二樓，其實，二樓都只有3間幫人煮菜的鋪頭，我們幫襯了燕食堂，因為它近樓梯，一上到去就會比人叫住。

食店情況


餐牌


D嘢食好快就到，隻剌身船好大，龍蝦剌身超正，又彈口又鮮甜，而個龍蝦頭，就會拿去煮麵豉湯，都好好飲，亦可以加錢煮龍蝦湯飯，夜光貝如其他Blog友所言一樣，真係一般，叫就去到更係試下，其他剌身不過不失，鹽燒虎蝦唔掂，D肉好(鞋)，而最驚喜係隻蟹，用日式煮法，肉質好鮮甜，蟹味好濃。值得推介是龍蝦同蟹。材料加工費是每人￥500，抵過西貢呀！

 

    剌身船
   
   鹽燒虎蝦

   日式炒蟹

    龍蝦頭湯
 

吃飽飽就行下街街，跟住吃杯海鹽雪榚，吃D超甜菠蘿，仲買了盒比乒乓波大小小的蕃鬼荔枝，又係好正。

迷你蕃鬼荔枝

 

十點就漫步回酒店。準備明天的自駕遊。

沖繩青の洞窟浮潛

上星期，睇完無線周秀娜去沖繩果個節目，對沖繩有更加多認識，而且對自己安排的行程，更加有信心，覺得非常適合我同周老闆。
娜姐哋去了青の洞窟浮潛及玩滑翔傘，其實，之前我都想去果度浮潛，但又驚自己玩唔到，所以無安排到。但睇完果節目，果度真係好靚好正，我就再心思思，考慮了2日，最後決定去玩一次浮潛。

沖繩有好多潛水公司，大部份都有去青の洞窟，可以浮潛及潛水，而且有D仲係英語教授，價錢由￥2500-￥5500不等，而且已經包埋用具(潛水衣、蛙鞋、潛鏡等)，及有專車接送添。

我住Kafuu Resort Fuchaku Condo Hotel，Hotel 都有呢個活動，所以我就幫襯Hotel(￥5500),雖然比出面貴D，但就方便好多，每天有四個時段，我就book了2:30pm，只需要早10mins到hotel lobby，就有staff 招呼，而且仲係識講國語嘅，我覺得好好呀！因為我D英文好鬼水皮架。我叫了hotel比我早D check in，佢哋都答應了，所以貴小小，都值得。

滑翔傘我就真係唔敢玩，我並不是畏高，但就好怕隻腳無野踏住，空蕩蕩咁，個感覺好恐怖。滑翔傘都幾抵玩，好似￥8000，可以在天空上飛翔10mins，從高處欣賞美麗的海洋，不失為一個好體驗。

還有十日就出發，好興奮呀！玩完回來再同大家分享 :）