沖繩第五天

來到最後一天，沒有甚麼行程，吃完早餐，搭車去新都心的Naha Main Place再shopping，Shopping 果然是我強項，又滿載而歸。

PS:Naha Main Place有免費的locker架！

一點就乘單軌火車回機場，在國內線大樓吃了個豐富午餐。

好好彩，回程的香港航空只delay了四個字。

沖繩假期完結了，雖然同之前的行程及計劃有好大出入，但並不緊要，最重要是，我們仍然活著，仍然在一起。下次有機會再來過沖繩啦！

部份戰利品

沖繩第四天 (小沙B的生日)

今天是小沙B公主的牛一，天朗氣清，心情大好，吃飽早餐，就出發，今天的行程是Shopping，目的地係Outlet Mall Ashibinaa。

在機場乘巴士去Outlet只需要15mins，非常方便。

其實，我已經鎖定了幾間鋪，所以好快就買了一大堆戰利品。個Outlet人唔多，好好行。午餐就在二樓的餐廳食。

午餐

 

個Outlet 唔係好大，好快行晒，四點就離開，先將D戰利品放回Hotel，再去吃晚餐慶祝。我想吃多次龍龍蝦刺身，所以再幫襯多一次第一牧志市場。上次買海鮮的店已關門，只好幫襯第二間，好可惜，呢間D海鮮麻麻地，不夠新鮮。隻

海鮮船有龍蝦、生蠔、吞拿魚腩、帶子、北寄貝、三文魚，仲有海膽同埋蟹呀，今餐無上次咁好味呀！

 

我的生日大餐

 

飯後，行了一陣國際通就返回酒店。回到房間，周老闆話要買嘢飲，我話一齊去買喇，但佢堅持自已去買，無佢辦法。

十分鐘後，有人按門鐘，我呢D細膽鬼，一定睇下防盜，見係佢先開門，打開門，嘩嘩嘩…見佢拿住個插了洋燭的蛋糕仔呀！真係估佢唔到，好開心，因無想過會係咁，而且仲有禮物收，就係一隻伸脷豬公仔，好得意架，佢同旺財以後可以陪我們一齊去旅行了。點解會係一隻狗同一隻豬，因為係我們的   生肖。

生日蛋糕

 

旺財and 伸脷豬

沖繩第三天 II

安頓好之後，叫佢在hotel休息，我自己就去逛下街先。

因為仲有三日在沖繩，所以，我買了張二日的單軌火車卷，由美榮駅乘車到牧志駅，行下國際通。

去到牧志見有間藥房，更係入去掃下貨喇！行藥房真係要用好多時間架。

在國際通，我其實有地方想去的，就是Jump Station，我要去找鳴人與Luffy。果度有個1:1的鳴人 and Luffy公仔，好正呀！

                                   Jump Station

          鳴人   



 

Luffy 

銀時

 

呢間鋪同東京一樣，無乜火影忍者D嘢買，海賊王就多好多。

行了陣，覺得肚餓，就去搵吃的地方，見到三越上面有餐廳，就試下。呢個餐有雜錦天婦羅、魚生飯、橋麥麫及燉蛋，唔只好食，而且仲好抵食，好似￥1100咁上下，真係勁抵！

                                    美味午餐

                                                                                                                                      



 

 

吃飽飽,繼續行下街，國際通其實唔係好大，要行嘅嘢都唔多，行了一會就離開，返Hotel 睇下周老闆 。 

 

佢好乖，瞓了幾個鐘，精神好好多了，佢話自己乜事都無，老虎都打得死幾隻，見佢又真係幾好狀態。

 

既然無事了，我們就出去行下，目的地是新都心。由駅行去Naha Main Place大約10 mins，果度有好多嘢買呀！啱晒我。行呢個場，已經可以消磨幾個鐘。大滿足，shopping果然是我強項。

 

到日本，一定要吃一吃燒肉。沖繩出名的石垣牛，一定要試下，我們在Naha Main Place行了15mins，到達一間炭火燒肉店，果度全部是日本人，而且仲係吃放題，我們沒有吃放題，只想貴精不貴多，沖繩出名的石垣牛一定要試下，我們仲點了黑毛和牛、元具，牛舌及另一樣牛，但忘記了是乜名，石垣牛又真係好好味，黑毛和牛都唔錯，五樣嘢加埋￥7800，好抵呀！

炭爐

 

 

 前者是石垣牛，後者是黑毛和牛

 

 鮮元貝

 五款食品

 餐牌

吃飽飽，就打道回酒店。

如果不是發生意外，我們現在應該在Kafuu Resort 附近玩緊煙花了 : (