我聽聞有好多朋友，在籌備結婚時，常常都會有隘撬，其實都是好少事，因為大家都希望盡善盡美，攪得好好睇睇。尤其是新娘子，她會用盡她的精力去做呢件事，因為她想擁有一個完美婚禮，這也無可口非。在這段時間，新娘子好易(抆憎)，因一些瑣碎事就會山洪暴發，平時溫宛若嫻的小家碧玉亦會變成一隻老虎乸，而且她時常都會覺得你唔重視個婚禮，對好多事都唔上心添。如果新朗哥想新娘子無咁（抆憎)，我有一方法，就係盡量同佢傾多D計，了解佢既想法，比佢知道你都好緊張個婚禮，比新娘子感覺到你也注重這件事，她就會開心，唔會事事都特別挑剔，特別難相處了。亦可以同佢分享其他朋友的婚禮，從中留意下要特別注意的地方。結婚係開心事，唔好為了一些小事而受到影響，傷害了感情。
當雙方家長同意你們結婚後，第一件要做的事當然是預定酒席，現在預定的酒席真係好誇張，以前大約一年前預定，但現在聽聞要年半前訂，真係勁
。如果要擺好多圍的朋友就要更加注意，因為現在D酒樓好多都是迷你版，如要30席以上更加要越早book越好，以免full booking。酒席是要落訂的，大多數都是每圍計，約$3000-5000不等，如果在酒店更加不止這數目，酒店通常計最低消費。結婚最大開支應該是擺酒。 第二步就是影結婚相，又要揀衫又要試身，都好嘥時間，而且影完相後最快要半年至有得攞，所以都係要早預備。現在好多婚紗公司都會同酒樓及酒店合作，提供優惠，所以大家要問清楚。
攪掂以上兩件事，其他就可以慢慢看着辨。現在每年都有幾次婚紗展，其實去兩次已經好足夠。第一次去攞資料，仔細研究價錢及自己所需，要知道幫襯邊間會最着數，行婚紗展都係想幫下個荷包啫
。第二次去就鎖定目標。婚紗展內的優惠有時真係幾抵，好似餅卷、印帖咁真係會平D。(有D嘢亦可以試下上網bit，好多新人結完婚都有好多剩餘物資嫁)。
。第二次去就鎖定目標。婚紗展內的優惠有時真係幾抵，好似餅卷、印帖咁真係會平D。(有D嘢亦可以試下上網bit，好多新人結完婚都有好多剩餘物資嫁)。
租婚紗最好同1-2個朋友去，千其唔好以為人多好，其實人多意見多，更加令你混亂。新娘子亦不可太貪心，租太多衫，因為結婚當晚會好忙，要更換幾次衫轉幾次頭飾會好嘥時間，咁就會影響整個流程。個人認為一件婚紗加3件晚裝就啱啱好。
好多人都知旺角金都有好多婚紗店，但係它們的質數就認真麻麻。尖沙咀金馬倫道 的婚紗店就好好多，D婚紗靚好多，大部份的婚紗店還會供應埋頭飾、頸鏈、耳環比你添，唔駛自己再去租借，幾好呀！又可以慳番一筆錢錢。我自己就幫襯一間叫紫水晶的婚紗店，它們的衫幾靚幾多款式，真係每件衫幫你襯埋手飾同頭飾，令你無煩惱。
想婚禮順利完成，好多時都要配合天時、地利、人和等，所以凡事盡了力去做就OK，一定會完美及美滿，不需要太過強求，事事挑剔只會更容易出錯添！
祝大家有個美滿及難忘的婚禮
