我的幸福快樂人生: 10月 2010

2010年10月30日星期六

尖沙咀映月樓

尖沙咀文化中心樓上有間酒樓，名叫《映月樓》，果名改得好好，因為它在海邊真係可以望到月亮，環境真係一流。

點解今天會講映月樓，真係一匹布咁長。我同周老闆對映月樓有一份堅持同執著，每年正月十五(元宵佳節)我們都會去吃晚飯，慶祝結婚週年記念，回味當天的歡樂。

最近有朋友籌備結婚，問我們意見，我們當然提議他們去映月樓啦！想當年，我們真係慶幸在映月樓擺酒，它的地點適中，又望到海又望到月亮，真係人月兩團圓，哈哈哈，食物味道一流，，最重要是他們在安排上非常細心，好多野都幫到手，記得那天，有一位小姐專門付責照顧我，又提點我們一些事情，非常感謝她，呢幾年去食飯都會見番佢，好有親切感。我好似幫間酒樓賣廣告咁，好野更要同人分享

。

朋友聽完我們提議就更係去映月樓睇下啦，而且當年佢都收到我們的紅色炸彈，佢來飲過都覺得幾好。但當佢地去到時，見到正在裝修，佢就同周老闆講 : 間野唔知係執笠定乜野窩，所以佢就Book 了第二間酒樓。周老闆知道後就話我知，我聽完後都幾唔開心，因為果排忙著老豆的事，所以都無去跟進。今天終於的起心肝，打電話去了解下，有人聽電話，原來它們只係翻新，前幾天已經重開，哈哈哈，真係開心到痺，又可以回到去它的懷抱。

裝修後的映月樓唔知會係點呢？一定會比以前更靚，亦會更加盡善盡美。

這對氣球是映月樓供應的

這是主家席用的餐巾

這套茶杯亦是映月樓供應

2010年10月26日星期二

有感而發

從知道老豆身體出現問題到現在，我都處於不安的心情。雖然醫院說會盡快安排他入院做射頻手術（約四星期），但在等候的這段時間，每天都非常心急及不安。這個月我皮膚乾燥、面黃黃，雙眼無神，成個人無理朝氣咁，自己都覺得老了好多咁，睇怕食幾多補品都補唔番呀，真係慘

。

上星期終於忍唔住再打電話去醫院，今次個姑娘好好人，叫我留下電話再覆我。一天之後，真係有回覆，終於等到安排了。

老豆一路身體都好好，老人病(膽固醇、糖尿、血壓高等) 他全部都無，因後生時常常飲酒，所以個肝唔係好好，他只是在健康院覆下診，久不久驗下血咁，一直都無乜事。

直至五個月前，在健康院驗出來的肝癌指標比正常高出了小小，醫生就建議他做肝臟超聲波，大家都知道，要等政府醫院安排可能等到出年都未得，所以我們就自行去私人化驗所做，但做出來結果沒有發現腫瘤，由那天開始，我們就一邊睇私家醫生(鄧醫生)，一邊又繼續排政府。每個月都會驗血睇住個肝功能同肝癌指標有無繼續高，幾個月都幾好，直到上個月，肝癌指標忽然高了一倍，鄧醫生就建議做CT Scan，結果發現有一個腫瘤。這個小東西來得很快，令我無所適服，跟住找外科醫生(廖醫生)問意見，廖醫生話慶幸只是初期，可以用射頻方法醫治，廖醫生亦好好人，點解我咁講，因為我唔識佢而且之前都無幫襯過，而他亦願意將手術費收平D，可能他知我是個診所姑娘，都算係同行，所以有得商量。

雖然手術費係平了，但是如果在私家醫院做加上住院等等要約14萬，大家都知道這只是約數，如有其他問題就不是這數目了，可能是一個天文數字。經過商量我們決定先去政府醫院，睇下它們幾時可以安排到，如果等太久至去私家。

真係好好彩，一個月就安排到，真係要感謝上天，亦要多謝醫院。

經過今次我有一個小結論：如果有病去政府醫院，病者及家人都要明白病情、狀況，如果你們都不明白，很難會跟進到，其次是自已首先做好一D化驗先，現在好多私人化驗所同政府都有合作，只需要有政府的介紹信就有 Discout，其實都幾好，總好過唔知等政府排到幾時，排得到做化驗再去排期睇醫生就可能已經太遲了。所以一定要問多D，自已跟進多D，自已的家人亦不多關心及關注，試問其他人又怎會上心呢！

2010年10月19日星期二

自助餐

小沙B上星期六牛一，所以就去了吃自助餐，這間Hotel的Buffet是我叔仔介紹的，他之前幫襯過話唔錯咁話，我同周老闆就去會一會它。這是一間新開的Hotel ，在尖沙咀赫德道(K11)附近，名字是《隆堡國際麗景酒店》，我試完後，覺得可以介紹給朋友去吃，它雖然地方細細，約可容納100人以下，但只要你喜歡吃生蠔、長腳蟹、翡翠螺就一定值得一試，它特別之處是D生蠔每天有幾款，我去的一天就有5款(蘇格蘭、南非、法國、愛爾蘭及XX )，而且係即開的，雖然每人每次限拿3隻，因為人少其實好快就可以再拿，有時甚至不用排隊添。而且D支裝汽水任飲另外仲有Coffe or Tea,生日有蛋糕送添。但係如果你愛吃熱盆就唔好去啦，因為唔係有好多選擇。

如果print埋張Coupan仲會平D添

http://hk.myblog.yahoo.com/choro-q/article?mid=82972&prev=83019&next=82960

2010年10月14日星期四

日本京阪神之旅2010

開始預備大阪行程時，遇到很大問題。因為臨近復活節假期，很多航空公司都爆了。後來，有朋友的表姨在旅行社工作才幫到我book到位，非常感謝她。

經過上次的【東京蜜月之旅】後，周老闆(本人的先生)對我信心大增，所以今次的京阪神都是自遊行。

安排行程真係幾傷腦筋，好彩周老闆去邊處都無乜所謂，最緊要唔好餓親佢，比佢食食食就得，佢好易氹哈哈哈

三月尾四月頭關西地方氣溫都係得幾度，我係一個十分怕凍的人，但係就十分喜歡在冬天去日本，為什麼呢？答案係:我好鐘意浸溫泉，兩個人浸住溫泉，望住出面非常美麗的景色，感覺非常浪漫及舒服，如果落埋雪就更加無得頂，極淒美動人。

關西比起東京較為安靜，無咁多人，壓迫感無咁大。要Shopping在大阪，睇古績、風景就要在京都，而神戶就更係食神戶牛柳啦！浸溫泉就要到出名的【有馬溫泉】啦！

四月是睇櫻花季節，雖然成本比較貴但我覺得非常值得，D櫻花真係好靚，當你在櫻花樹下與愛侶拖手慢步，欣賞各式各樣的櫻花時，那種置身花海的感覺，到現在還會令你懷念。現在我知道點解咁多人會願意付出多D$$亦要在櫻花季節出發了。

我的行程:

Day 2 : 環球影城

Day 3 : 京都（嵯峨野嵐山、嵯峨小火車、天龍寺、渡月橋、清水寺）

Day 4 : 京都（哲學之道、地主神社、二三年板、祇園、河原町）

Day 5: 神戶 （三井Outlet Park Marine Pia ）Day 6 : 有馬溫泉

Day7 心齋橋、美國村、日本橋、大阪城公園、梅田環球影城真係要早D去比較好，因為真係好多人，排隊入場都已經浪費好多時間。熱門遊戲最少要用個半小時輪候，真係慘慘慘。

京都的風景好怡人，好古色古鄉，會令你的心靈恬靜了，人都 Fresh D。因時間
關係我只看到夜裡的清水寺，我一定會重臨看看它在日間的景色。
睇櫻花一定要去哲學之道，在兩旁都是櫻花樹下漫步，勁正

在神戶吃牛柳真係比大阪平D，選擇亦多D。個Outlet雖然細D，但都可以買到野嫁；我就買了幾條不同牌子的牛仔褲，波鞋、涼鞋、外套等…

有馬溫泉其實地方並不是太大，基本上日歸就可以，而日歸的價錢比住宿一晚平好多。我自己book了一間溫泉酒店的私人風呂，浸45mins另加午餐定食，2人約HK $800-1000。在日本，很少地方可以男女混浴，男女分開浸，一對情侶或夫婦分開來浸，意景都唔同晒啦。私人風呂就唔同，一齊浸，感覺好好多，一邊睇風景一邊傾計，幾溫馨同 Sweet 呀！