禮物是3日2夜澳門之旅，包括 : 4人來回澳門豪華位船票、1間新濠天地Grand Hyatt Hotel 房及2間凱旋門酒店房，加埋大約要壹萬大元。真係要非常多謝這位小天使，亦要感謝埋幫手安排酒店同船票的亞傑，這3天真係麻煩晒佢。
因為同老人家同行，所以行程都以輕鬆為主，行下、食下咁。
澳門是熱門短線行之選，所以25號當日到碼頭時已經人山人海，非常擠擁。第一次坐豪華位，它比坐飛機舒服，坐位幾寬，而且有免費食物飲品供應，幾筍呀！
小天使是澳門人，他覺得氹仔新陶陶酒家不錯，就叫我去試下，它真係唔錯，味道好好，價錢合理，唔會好細碟，份量OK。
新濠天地龍騰表演都幾好睇，唔洗錢唔代表唔好睇囉。另外水舞間都幾好，我買的票係$380，剛剛係中間則邊位，都ok，睇得都清楚，大家千祈唔好以為坐前排位著數，千祈唔好呀！因為D水花好勁，會整濕身，就算有毛巾都遮唔到，除非着雨衣又另計。坐前排另一壞處是好多表演在半空，成日岳高頭都辛苦姐。
今次澳門之旅還有小小收獲，就係比我贏了$1,100大元，真係好開心，可以話又食又拎呀！住宿又免費，飲飲食食都有賭場Sponsor，勁正
Turbojet 船票
Grand Hyatt Hotel
Grand Hyatt Hotel
沒有留言:
張貼留言