嘗試去茶樓吃點心

            

已經電療完一個月了，周老闆的精神好番好多，頭髮亦已經甩少了，但他仍然未能夠食太多嘢，每次都只是試小小，因為有D食物，會令到佢好唔舒服嘅。而體重就有上升，有124磅，好好呀！

聖誕節26/12/2011，周老闆話想試下去飲茶，幾勁呀！嘢都唔食得，學人去飲茶。我當然會陪佢去啦！我們四個人(我、周老闆、奶奶、叔仔)去了九龍塘間翰騰閣飲，去果度因為比較容易攞位，又寧靜D，現在我哋好怕人又多又噪的地方。

我哋叫的食物有:
叉燒酥(周老闆至愛)、叉燒飽、帶子腸粉、牛肉腸粉、冰鎮豬腳仔、菜苗餃、山竹牛肉、珍珠雞，佢每樣都有試食，但只有腸粉佢覺得最好，其他的點心就令到佢係脷有D不舒服。其實咁樣已經好好，再過一個月應該可以全面回復。

一個月後，就農曆新年，我不能再做大話妹了，如繼續講大話，我家的兩老一定會懷疑，點解新年，周老闆仲未從澳門回來過年，▕所以周老闆你心急好番，都是正常嘅，雖然這是個善意的大話，不希望佢哋為你擔心、傷心，但大話此終不能講太耐，終有日會穿煲。