21June 2012 終於回來了

今天周老闆終於回來了。好開心呀！同佢分開了20天，每天都好掛住佢呀。
雖然現在科技先進，可以一邊講電話，一邊視像，但我覺得沒有真實感。
每天早上，我們會用skye講電話，都會開埋視像，但一開視像就好容易斷線，齋講電話就無問題。好多時，我會用到閔，周老闆就叫我唔好閔，免費
既嘢係咁架喇！其實如果唔係驚騷擾到大姑奶地睡覺，我一定打IDD，穩定好多呀！但又唔能夠視像，真係有辣有唔辣架。

試過今次的短暫離別，我估周老闆，以後都唔會敢獨留小沙B一個人，去邊都一定帶住我，因為佢驚我有抑鬱症，及患上精神病。
原來，我真係一個無法獨自一個生活的人，需要有同伴相伴的可憐蟲，如果只有我自己，我都唔懂得怎樣去過生活，怎樣去打發咁多時間。可能生活得太美滿，
令我無想過呢D問題。

我需要學習了，學習一個人亦有一個人的樂趣，一個人的生活亦可以多姿多彩。
周老闆病後，開始常常訓練我，要我發掘自己的興趣及喜好，要我多約朋友相聚。佢咁做，有佢既目的，佢成日話，將來佢一定走先過我，所以要我學習定
先，佢幾咁高見呀！
邊個死先又有誰知，現在活得開心快樂，就算啦！仲想咁遠，正白痴。

電療後七個月

周老闆電療完，到現在己經七個月了。佢仍然在休養當中。佢既體重都無乜上升，大約是117磅。幾個月都係咁。

四月時，我同佢去了日本旅行，當時日本的氣溫大約十幾度，而且比較香港乾燥，佢覺得個鼻好乾，仲流了一次鼻血添，之後就無乜嘢呀！旅行的收穫是重
了一磅。

日本之旅後，休息了三星期，我們又再出發。今次仲勁，要搭十幾個鐘飛機的加拿大溫哥華。
加拿大天氣好好，而且空氣清新，感覺已經好舒服。每天都只是食共瞓，優哉悠哉，好盞呀！我先回香港，周老闆就繼續享受悠閒假期。
周老闆在加拿大休養了一個月，回來時，帶了一份手信送給我，哈哈哈…是五磅呀！好開心，呢幾磅真係得來不易，一定要佢好好咁keep住，唔好比佢偷
走。
香港的空氣質數，越來越差，高樓大厦濃密，廢氣又多，人多車多，樹木少，根本就對人類，做成傷害，正常人在咁既環境都辛苦，何況係病人，又點會頂得住呀！
相反，加拿大地方大，人又少，四週都被花花草草、樹木包圍住，真係見植物多過人，而且D食物又有嚴格規管，又新鮮又無有毒物質，食咗都健康D啦！就
是以上種種原因，令到周老闆肥胖了。

現在每六個星期，他就要到中建大厦袁教授度覆診，每次我都會陪伴他。
覆診時，每次都會開鏡照鼻，再幫佢清洗鼻內的汾秘物，每次都會有好多的，其實呢D汾秘物，周老闆每日都會有，有時就(伸)得出，但有時佢哋乾了，自己根本
不能
夠整佢出來，而且D嘢積得耐，流唔到出來，仲會發出一D臭味添。清完汾秘，會照頸部的超聲波，睇下有無異樣。

呢段時間，佢D皮膚好番D，好似曬傷咁，影相時明顯見到佢是一笪笪，黑卒卒，不健康的膚色。

胃口方面，佢都係食得好少，有好多嘢食唔到，都係食D有汁既食物會舒服D，容易D吞，味覺已經有回7、8成。佢身體比以往真係差好遠，以往佢最鐘意有冷氣的
地方，現在就要穿件外套，頂唔順D冷氣。除了外套隨身帶住，另一樣就是水，電療後到現在，佢好容易口乾，一乾就要喝水了。
總括來講，周老闆的康復進度，是比其他病友慢，電療後，受的傷害亦比病友大，所以佢仍然需要休養多一段時間，慢慢養好身子，先可以為將來打算。
健康是無價的，金錢買不到健康與快樂
真係要好好好記住

21June 2012 終於回來了

今天周老闆終於回來了。好開心呀！同佢分開了20天，每天都好掛住佢呀。
雖然現在科技先進，可以一邊講電話，一邊視像，但我覺得沒有真實感。
每天早上，我們會用skye講電話，都會開埋視像，但一開視像就好容易斷線，齋講電話就無問題。好多時，我會用到閔，周老闆就叫我唔好閔，免費既嘢係咁架喇！其實如果唔係驚騷擾到大姑奶地睡覺，我一定打IDD，穩定好多呀！但又唔能夠視像，真係有辣有唔辣架。

試過今次的短暫離別，我估周老闆，以後都唔會敢獨留小沙B一個人，去邊都一定帶住我，因為佢驚我有抑鬱症，及患上精神病。
原來，我真係一個無法獨自一個生活的人，需要有同伴相伴的可憐蟲，如果只有我自己，我都唔懂得怎樣去過生活，怎樣去打發咁多時間。可能生活得太美滿，
令我無想過呢D問題。

我需要學習了，學習一個人亦有一個人的樂趣，一個人的生活亦可以多姿多彩。
周老闆病後，開始常常訓練我，要我發掘自己的興趣及喜好，要我多約朋友相聚。佢咁做，有佢既目的，佢成日話，將來佢一定走先過我，所以要我學習定
先，佢幾咁高見呀！
邊個死先又有誰知，現在活得開心快樂，就算啦！仲想咁遠，正白痴。

30 April 2012 (Day 9) 中部之旅，最後的一天

時間過得真係快，今日已經是中部遊最後一日了，好想繼續放假，繼續玩呀！
今天沒有安排行程，所以可以瞓晏D，在Hotel吃完早餐，都是在附近行下逛下就算。
我們搭4:20pm的機回香港，12點就由名古屋乘名鐵到中部空港。來的時侯，因為趕搭車，都無看清楚個空港，現在可以慢慢睇。如果想補飛，買手信呢度都好多選擇。而且食店都好多，有名古屋出名的矢場(豬扒)，高山的豆天狗(拉麵)，在高山時本來都想去試豆天狗，但無時間去，所以我們就吃空港的豆天狗做午餐，不過…我們覺得唔好食，用個「差」字來形容。

吃完午餐，行多一陣，就夠鐘Check in了。

話咁快就放完咁多日假，好唔捨得呀！

日本中部再見了。
多謝你帶給我們快樂之旅，美麗壯觀的景色，自然純樸的美景呀！

29 April 2012 (Day 8) 土岐Premium Outlets

在Hotel吃完早餐，就去土岐Premium Outlets。
因為是臨時決定去，所以沒有預備資料，只跟旅遊書的方法前住。因為不知乘車時間表，所以浪費了好多時間。由名古屋去土岐Outlets，其實除了JR，還可以
乘名鐵巴士的(這是我回程時才知的)。

JR車票

去到士岐駅，仲要乘巴士(15mins)至去到Outlets，D巴士一個鐘一班。去到時，剛剛走了車，所以，等了九個字至有車。去到Outlets已經12點幾，
唉…嘥哂D時間。

JR土岐駅

往Outlets的巴士站


個Outlets好大，同御殿場果個差不多，今天是星期日，所以有好多人呀！

Premium Outlets剛剛做promotion，如果是外國旅客，去Information 度登記，會有一張Discount紙，去指定既shop買嘢，再有優惠。我又見到原來有定期
巴士往來名古屋，一天四班，只需要乘1hour，我們決定乘五點那班回名古屋。

我的目標好明確，第一間去的鋪頭，就是Beams，間鋪幾大下，我們逗留了成個鐘，買了幾件衫，一個手袋，一條頸鍊，話咁快就用了三萬幾￥。另一間
筍鋪，就係GAP，佢全店 40% Off，好抵呀！Lacoste D衫亦比香港買抵。在Addids看上了對童裝波鞋，價錢牌寫著￥3XXX，去比錢時，原來仲有折，估不到只
需要千幾￥，真係平到爆。我真係好鐘意去Outlet買嘢，因為真係平、靚、正架。一去Shopping我就好似顛咗咁！今日大出血。
行街買嘢時間過得特別快，轉下眼就過，滿載而歸呀。

呢D戰利品，有8成在outlet買

我們在Food Court吃飽飽，就同Outlet講，跟住就乘巴士回名古屋。巴士總站就在名鐵百貨。

將D戰利品先拿回酒店，又再出動。去名鐵百貨look一look，無乜特別嘢行。

行了一陣，就吃晚餐，因為日本D鋪頭八點就Close。
周老闆真係好鐘意吃拉麵，所以我們就去了名古屋驛麵通り，呢度全部都是吃麵的鋪頭，大家可以慢慢揀，更有一間合心水。

名古屋驛麵通り

我們吃的麵

 

吃飽，就回酒店，我們要執行李呀！
因為無想過會去Outlet，亦無預計會買太多衫、褲、鞋、襪，所以個行李 箱，要慢慢執，至可以放晒D戰利品入去。