！呢個星期，雖然已經好忙碌，有一晚，同一大班朋友飯聚，又有一晚去了喝喜酒，但感覺仍然是失落
。 每一天，失落同寂寞的感覺，都圍繞著我，我好唔開心，我點解會咁袈！周老闆只是同我分開2星期，我就咁大件事咁，我仲唔係有病了。
之前我都知，我會唔習慣，無佢在身邊會好悶及無咁開心，但我發覺並不是悶的問題，而是我個腦出現一D負面思緒，想埋晒一D超乎想像既嘢出來，有時個腦會彈個信息出來，佢突然離開了我，我孤獨一個人在活着，將會如何去渡過每一天呢！而我的人生仲有乜意義呢！
周老闆話我傻了、正白痴，轉了牛角尖，佢只是去旅遊探親啫，又唔係死咗，就乜想到咁遙遠，大佬呀！我都唔想咁嫁，佢係咁我都無辦法。
本身不是個堅強的人，如果要我面對生離死別，根本就是難事，我不能想像，我會失常到乜野地部。
自從佢患病後，我真係好驚，驚埋一D好無謂既野，好似佢去睇中醫，又驚D中藥傷佢，佢去街，又驚佢會被細菌感染，又驚個病復發，總之乜都驚餐死！佢都知我的性格，所以，幾個月前，已經開始替我洗腦，思想改造，久不久就會講，人的生命，並不在乎長短，每天都不開心不快樂，長命又有乜用呢！相反，如果每天都幸福、快樂，開心，時間長短都不重要了。而且每天都有咁好多人死，點知幾時到自己，死亡是無得預計的，所以應該好好活在當下，開心過每一天，不能被不安情緒影響自己。
道理我明白，做唔做到又是另一回事呀！
前二天，放工搭小巴回家時，突然覺得好慘，跟住就喊了，個腦當時想緊，如果有一日佢走了，我自已一個人點渡過呀！越想越慘越傷心，D眼淚鼻涕係咁流，坐我隔離個男人唔知點想，更係想，個女人更係比人飛或者老公走佬啦！
沒有留言:
張貼留言