情況差了

星期日開始，奶奶覺得唔舒服。
佢唔想食嘢，佢一食嘢，就覺得心口好痛好辛苦。佢話昨天食香蕉時，比條蕉哽親，之後就覺得好痛，總之食乜都痛，飲流質嘢都唔得。呢二日，佢只係飲D加營素，
全日只飲了二罐，邊會頂得住呀！昨晚，我就用凍水開了D葡萄糖水比佢試下，佢話好D，飲落去無咁痛。

我哋都知道，唔關條蕉事，但可以點解釋，唯有安慰佢，吃D止痛藥，話好快就會無事，忍耐下。見到佢咁，我都好唔開心，我知道痛楚只會越來越大，越來越痛，我
沒有辦法幫到佢，只可以多D同佢傾計，分散佢D注意力，叫奶奶飲多D嘢，保持住身體。

希望星期四去QE覆診，醫生可以幫到佢，減輕D痛楚啦！