與Blog友見面

因為周老闆的病，之前在blog內認識了位blog友，因為大家都有相同的經歷及感受，所以好容易就傾到計。
我們透過email聯繫，大家互相問候下近況，先生的身體狀況等。我們就好似以前D筆友咁，雖然大家未曾見過面，但是就有一種親切感。

最近，不知點解，我突然好想與她見一面，我自己都覺得好奇怪，點解有呢個想法。我同周老闆講，佢都話我點解咁得意，有呢個想法，真係想不通。周老闆話既然你咁想，就試下問下人哋，想5想見你囉。
我想了幾天，決定先send email比佢，問佢介5介意出來見一面，我好驚她會誤會，以為我有乜企圖，此終，現今社會實在太多壞人，太多網上騙案，我自己都驚嫁。
因為，我們都叫做認識了一段時間，所以她都一口答應了，和我見面。

我好期待，今晚的見面，會是個愉快的晚上。

到現在，我都不明白，點解我會咁做 ，可能是上天想我認識這位新朋友喇。