東京輕井沢 Day 5 池袋 J World Tokyo

22/7/2014 (星期二) 池袋 J World Tokyo

 今天都是在The B吃早餐，跟住就Check in及暫托行李。
本來只是在池袋逛下就算，點知，比周老闆發現了在池袋的
SunShine City World Import Mart  度有個叫做J World Tokyo 的地方，有火影忍者 (Naruto)及海賊王 (One Piece) 的展館。嘩嘩嘩，更係快速去睇下喇。

由The B  行去Sunshing City 大約15mins，J World Tokyo 就在3 樓，營業時間是10:00-22:00
，門票就分2種，入場就￥700,通用票就￥2300。因為我們沒有太多時間，所以只買了入場卷。

 J World Tokyo

可能時間尚早，無乜遊人。一入到去，就會見到火影的展館。

OMG  

Naruto呀！剛好在門口呀！好好好開心呀，可以見到佢！

                                                                 我與Naruto的合照

 

好動活潑的Naruto

  

即影即有影相

Naruto最愛的一樂拉麵

丁次最愛的燒肉

可在此試下通靈

 

個展館不是太大，好快就行完。但它有一個忍界大戰的遊戲，因為我們只買了入場卷，所以要另外比￥800玩。

￥800的門票

之前都提過，可能時間尚早，所以無乜人，連帶呢個遊戲亦無乜人玩，只有我們另加一對6-10歲的兄弟。可惜不能影相

遊戲開始前，工作人員會用日文講解個遊戲，跟住就派個耳機及斜孭袋比你。

其實，個遊戲好簡單，就是當自己是忍者，跟住指示去行動，有時會突然嚇下你，有時又要你去幫手打敵人，都幾得意。

玩完遊戲，快速行了其他地方一圈，就走人。

再見了 Naruto 。

仲有 小小時間，就行多陣Sunshin City 繼續買

我們搭13:03的  Nex 29到成田空港第2ビル駅

成田空港第2ビル駅

 

滿載而歸

(橙色的是幫大姑奶帶回來的)

 Check in 後，我們就吃在東京的最後午餐，當然吃日本嘢啦。

日式燉蛋

 雜錦壽司

雜錦漁生飯

成田第二空港，無第一空港咁大，所以亦無咁多嘢行及買，如果大家要買手信，都ok嘅。    

話咁快又要同東京講Bye Bye 了，好唔捨得呀！

 

東京輕井沢Day 4 築地漁市場、台場

21/7/2014 ( 星期一 ) 築地漁市場、台場

今天The b  包早餐， 我們只吃了小小，要留肚食好嘢，跟住就出發去築地漁市場。我已經是第三次去築地，所以無乜新鮮感，只是抱住食好D，同新鮮D的心態。

 對面就是築地市場

 

 

市場內，有好多海鮮攤檔， 又有各式各類的鋪，又可以隨便試食，正呀！

  呢個燒海鮮雜錦，麻麻地，而且好貴呀

外甥想食壽司，而我就好想食海膽飯，所以，我們又分開行事，我自己就去吃海膽飯，個海膽飯正到暈，好新鮮好美味，好想食多碗，可惜太飽食5落。現在，仍然非常懷念果碗海膽飯呀。

新鮮美味海膽飯

吃飽飽，又出發去下一個景點，台場的  Diver City Tokyo Plaza，去睇周老闆同外甥鐘意的高
達。我們沒有買海鷗號one day pass，因為目的地只在台場駅。

去到剛剛過了12點，睇5到高達Show，唯有看下一場 (15:00,17:00)。
我們先上七樓 的Gundam Front Tokyo，門口免費參觀，有好多高達的相關公仔，如果想再參觀
裡面，就要比￥1200，佢兩舅甥緊係入啦，而我同大姑奶就各自歡樂，去Shopping
。呢個Plaza都好多嘢行，我都買了幾件衫比周老闆。

Gundam Front Tokyo入口

 

周老闆 部份新衫

 到了集合時，我們就去睇高達show，個高達真係好大呀。

高達

 

  

 

個Show日頭睇，就無乜特別，只係個頭左右郁動下。可能我不是Fans，所以無咁雀躍啦！

睇完，我們就吃午餐，我們選擇了間吃Buffet的餐廳，吃90分鐘￥1800、好抵呀 。食
物品種都幾好架，仲可以自己整窩夫。我忘記了名字及影相，大家可以一試。

跟住去了富士電視台，逛了一圈。

 富士電視台外貌

 

又見到Luffy and Copper

 

七點鐘，我們就 返到池袋，仲未肚餓，當然又係Shopping 時間喇。
日本七月會大減價，好多嘢買，真係又平又正。我在西武主力睇鞋，嘩嘩嘩
，真係平到笑。好多名牌鞋都有半價，真超值，可惜，我唔識着高踭
鞋，只買了對涼鞋，覺得好蝕呀。

跟住逛西武隔離的Parco ，比我發現了間，Make in Japan 賣動物系列的手飾店，之前
我在觀塘APM商場見過，已經幾鐘意，但覺得太貴，不捨得買，現在，呵呵呵，正值大減價，我一定要買。

 貓頭鷹頸鍊

啤啤熊頸鍊

馬騮仔與香蕉耳環

介指

仲有條貓貓手鍊及頸鍊，好靚架，不過忘記了影相。

昨天買的桃，實在太好味，所以，今晚再買，買了D更大隻的 ，預備帶回香港比父母試下

 

好大個呀

晚餐就吃周老闆最愛的拉麵

玉子伴麵

叉燒拉麵

時間過得真快，明天就要返香港了，好想繼續玩呀。