東京輕井沢 Day 2 雲場池、聖保羅教堂、舊軽井沢銀座通

19/7/2014 (星期六) 踏單車遊輕井沢

早上天氣好好，有太陽 

在酒店吃早餐，沙律及飲品是自助的











吃飽飽，我們就check out，要追回昨天的行程呀。

好得意呀！餐廳個總厨，會出來送客及同客人影相道別

今次我們可以乘酒店車到輕井沢駅了。

 到達駅，我們就找單車鋪，好容易就找到一間，因為佢有大大個招牌掛在高處。

普通單車￥400一日，電動單車￥1000，雙人單車￥1600一日，我們就租了呢三架，因我5係好識踩，所以租雙人，但原來雙人單車比單人的踩得辛苦加，因為個轆細，我們要用好多氣力，最好都是電動，不徙氣力。而且，單車鋪會比張過了膠的地圖你，跟住張圖一定去到要去的地方。

間鋪可以寄存行李，一件￥300。我個行李是29寸的，如果放在駅locker要￥600，放在單車鋪都好抵呀！

出發前大合照。銀色普通單車，紅色電動單車

去到每個景點，放下單車時，記得鎖車呀！我驚認錯車，所以影低架車

 雙人單車，個轆真係細好多

我們第一個去的景點是雲場池，由輕井沢駅去大約15mins，當時有太陽但5會好熱。沿途風景都好靚，好寧靜，好舒服

 陽光普照，藍天白雲

 路邊的野菇，如果強國人見到，會5會摘來吃呢！

 其實，雲場池唔係好大，而且我覺得無乜特別姐。

雲場池

後面有隻水鴨呀

 影完相，我們向下一個目的地出發，由雲場池去聖保羅教堂，其實都係好近的。

聖保羅教堂

之後，我們再去另一個教堂，忘記了名字。

 

 

去完3個景點，我們就去輕井沢銀座，呢度就熱鬧好多，有好多鋪頭仔。

呢度竟然有呢D玩意，外甥同我都未試過，所以一齊玩，我一定5會再玩，好痕呀

行了一陣，天色變化，又開始大霧及下微雨，所以，我們決定先吃午餐，吃飽之後，繼

續行街街。

漢堡牛扒
 

好可惜，吃完午餐，D雨無細過，反而越落越大，仲行雷 ，睇情況根本沒有停的跡象，商量後，我們決定買雨衣同傘，好浪漫咁在雨中踩單車 。

落雨踩單車真係好辛苦架 ,D風又大，雨從四方八面打來，根本着了雨衣擔埋傘都濕晒
，好辛苦至踩回單車鋪。

輕井沢駅，仲好大雨呀

   

               

見時間尚早，我們再行Outlet，再Shopping 

因為下雨，好多地方都去不到，亦未能好好地欣賞輕井沢，真可惜

有機會，會回來這個寧靜的避暑勝地的

我們坐6:02的新幹線到高崎，去到高崎仍然下雨

                           

我們今晚住的酒店，好近JR駅。

ホテル１－２－３高崎

(群馬県高崎市栄町２－２３)
                                             

間酒店，用3個字形容，平、靚、正，近JR,房間大，清潔又時尚，仲可以浸溫泉添。我book 了2 間twins room 包埋早餐只需要￥17000，真係抵呀。

                                                                          

                                   

我極力推薦
大家又覺得係咪好OK 呀。

 在JR駅樓上吃了旋轉壽司，再行了陣就回酒店。可能踩了單車，大家都倦了，而且明天都要早起，要好好休息下。

酒店有溫泉，我更係不會錯過喇。浸溫泉的地方，不算大，有化妝間，沐浴地方，浸的池只有一個，而且不大。評語係一試無妨，好過在浴缸浸。