大阪京都 Day 2 Part 1 貴船流水麵、船船神社

今天就是這次行程的重點，貴船流水麵。

之前在D旅遊節目上睇過，已覺得好得意，好好玩，有機會一定要去試下。

京都的流水麵同川床料理，每年只有5月至9月先有架，想去的朋友，請注意。

適逢今次去京都，又啱時間，所以就去見識下。

之前睇了其他blog，話貴船的流水麵好受歡迎，好多人去，要去就要早D出發，越晏就越多人，要等好耐 至有位，所以，我們都早D出發。

九點鐘，行去JR京都駅，買JR奈良線去東福寺駅的車票￥140，到達東褔寺，再買鞍馬貴船 1 day pass (￥1600)去貴船駅。

鞍馬貴船1 Day Pass

到達東褔寺，    乘京阪本線 去出町柳

到達出町柳駅，已經有清晰指示，點樣去叡山電車。其實，下了電車後，還要在地下走一小段路，就到叡山電鉄 。

 

叡山電車駅好細，一眼就望晒。
去到駅，已經見到部叡山電車，哈哈哈…係特別車呀，正呀。特別車，正面是大玻璃窗，所有風景也盡在前面，不用左望右望，咁辛苦。

 

 

由出町柳去貴船，坐13個站，大約半小時。
沿途風景美麗，時間好快就過去。

  
出駅後，下了階梯，就可以看到巴士站

好快就有巴士，車費￥160，如果有某D pass 就免費。

可能太多人5知要5要比錢，所以，巴士上，貼了張圖，話比你知。

 貴船環境真係好清靜幽雅，有陣陣清風吹來，好舒服。沿途行，會見到好多吃川床料理的店鋪。可能時間仲早，所以無乜人幫襯。

 

大約行10mins就會見到吃流水麵的店 :  ひろ文 

 http://hirobun.co.jp/menu/index.html

因為時間尚早 (10:45am)，ひろ文都未開門，11點至開。

 呢度就係喇

 

 時間到，就可以去登記，付款，每位￥1300，好抵玩。比了錢，職員就會比把有號碼的紙扇你，憑扇入場。

我們早到，仲末係好多人，所以…是天字 1號呀！哈哈哈

在此登記呀

                

第1號紙扇

時間到，有職員引領你下去，未行到去，已經聽到好大的流水聲。嘩嘩嘩，環境好正呀。
正面有一條小瀑布，流水不段流下，聽到D流水聲，身心都平靜了，有種在世外桃源的感覺 (個人感受，人人不同)。

 瀑布

吃流水麵，會八個人一 park，有四條流麵的竹竿，2人共用一條，職員會話你知，你用邊條，不要用錯呀！當見到粉紅色麵條時，即是完結。
￥1300仲會有冷麵汁及枺茶羊羹添。

小沙B，好幽雅咁擺post

 

 

 

坐定定，金睛火眼咁望住前面，等D麵流落來。

嘩嘩嘩，D速度都好快架，我們miss咗第一團麵呀！有了經驗，跟住就知道點樣去夾了，D麵好爽，點埋汁都幾好味呀！我估大約有十幾團麵，時間好快就過，粉紅色的麵出現了，亦即是，時間到喇！

眼明手快夾麵麵

粉紅色麵麵

流水麵，好好玩，好過癮，是個不錯的體驗。
我們吃完後，真係越來越多人等位，所以，早點出發是正確的。

跟住，我們就去貴船神社逛下

神社正門

 貴船神社，有一樣好特別的事，大家一定要試下，就係水占，究竟係乜東東？

水占，其實是用水來求簽，先用￥200買一張空白的簽紙，跟住行去水占齋庭，誠心求簽，之後，放張簽紙在水中，不一會，慢慢就會有字句出現在簽紙上，呢個就叫做水占了。

簽紙內有好多欄，乜都有，願望、健康、愛情、學業、旅行、連失物都有，真係應有盡有。

哈哈哈…我求到了張中吉簽呀！之後，可以將張簽綁上一個架上。

 ￥200的簽紙

 

水占齋庭

 求完，放簽到水中

 中吉簽，正呀！

 簽紙綁上呢度

時間差不多，我們要去下一個地方了
bye bye了貴船