今天天氣不好呀！有雨，希望白浜好天喇
我們在酒店吃了簡單的早餐
之後去和歌山駅乘8:53 ＪＲ特急くろしお1号・新宮行去白浜
時間仲早，所以,無乜人
一個半小時後,就到達,其實幾遠下😅😅
到達白浜駅,行去左手邊,就是明光巴士案內所,我們要買巴士2 days pass￥1550.好順利買到,亦好順利咁坐上了巴士😀。
我們先到酒店放下行李 ,我選擇了近海邊的三樂莊，因為房間大又向海，價錢又扺,1人一泊二食,只需要￥12960😀😀
巴士可以去到三樂莊門口,非常方便
酒店: ホテル三楽荘
和歌山県西牟婁郡白浜町３０７８
白滨駅前，可以坐巴士 12,30,101, 105都可以到達, 在
S16「走り湯」駅下車
巴士站位置
酒店外觀
放下行李,再乘巴士到とれとれ市場前下車, 行3mins 到達Tore Tore市場吃午餐。
Toro Toro 市場分乾貨及濕貨區
在濕貨區，見到好多海鮮😋😋
我們挑選了心愛的食物後，店鋪會為我們清潔處理,大約20分鐘後,回去取。
未去白浜前，睇旅遊書,話佢地有一隻叫拖尾龍蝦，即香港的琵琶蝦,話好好食,睇到流口水👅👅👅,去到一定要食,但是…去到,我沒有食,因為我孤寒,唔捨得😅😅😅😅😅,實在太貴。
我住三樂莊,2個人一泊2食,費用是￥25920,而呢隻拖尾龍蝦竟然要￥20000😱😱,實在太恐怖了。
雖然周老闆話一場來到,無所謂，試下啦！但,我實在過唔到自己,而且一隻根本不夠吃,仲要吃其他海鮮,加埋咪要好多錢錢,大奢侈了。
拖尾龍蝦
取食物前,先到隔離的BBQ場開爐,每人￥ 300,包開爐及每人一份餐具。
最後,選擇了伊勢海老,帆立貝,象拔蚌,鮑魚,蝦,蜆肉串,蠔,A5和牛,吞拿魚腩。
超正的吞拿魚腩
A5和牛
象拔蚌及鮑魚
伊勢海老
肥大肉厚帆立貝
蝦及蜆肉串
同包紙巾咁大
用BBQ來煮,好正,令到每樣食物都好鮮甜,美味👅👅。來白浜一定要來呢度呀😀
食飽飽,就搭車到白浜市中心閒逛下,可惜,無乜野行😢,只有間超市及￥100店,我只買了D水菓😓
我仲在D鋪仔買了D煙花,預備晚上到海灘放😀
我們經過 Energy Land ,但最後決定不入去玩.
三樂莊房間真係幾大，面向海，真係好靚。
露台望出去，就是白浪浜，好靚，夏天一定非常熱鬧。
我們浸完溫泉，就吃晚餐，有鮑魚吃，其實真係好扺呀👍👍
吃完晚餐，我們就去放煙花，因為有少少雨，又加上好大風，兼且我們第一次放，所以失敗了，呼一聲，就玩完，連相都影唔切😅😅😅
返回酒店，咪吃下水果囉。
在超市見到一款顏色好靚的果，其實我不知點食架，買了至算
紫色太美麗了，原來叫三葉木通果(又名八月果),佢原來係一種保健抗癌的果，果肉營養豐富，含多種可溶性果糖，碳水化合物等等....
食法簡單，用手大力一摵，就能夠二邊分開，吃裡面白色的果實就得，好像吃石榴咁，需要吐核的，幾清甜架。
仲有說明書教你點食
黃金桃
甜柑
沒有留言:
張貼留言