奶奶身體大致上己康復，所以我可以同周老闆放下假
，去下旅行。現在去日本立山黑部己經無得睇雪之大谷，所以想明年五月至去過。我們都很少去一D陽光與海灘的地方，因為我唔係咁鐘意晒太陽，一來我唔識游水，二來我一晒就黑兼D雀斑會現形，所以最愛都係冬天去旅行。真係好想去旅行開心下，所以就揀咗最近幾年好Hit的沙巴。上網睇嘅資料已經好多同詳細，沙巴自由行並不難，而且還可以Join local tour，非常之簡單。我就會30/8/2011-4/9/2011去沙巴玩。
，去下旅行。現在去日本立山黑部己經無得睇雪之大谷，所以想明年五月至去過。我們都很少去一D陽光與海灘的地方，因為我唔係咁鐘意晒太陽，一來我唔識游水，二來我一晒就黑兼D雀斑會現形，所以最愛都係冬天去旅行。真係好想去旅行開心下，所以就揀咗最近幾年好Hit的沙巴。上網睇嘅資料已經好多同詳細，沙巴自由行並不難，而且還可以Join local tour，非常之簡單。我就會30/8/2011-4/9/2011去沙巴玩。
自由行第一件事就係book機票，我比較過3間由香港去沙巴的航空公司，港龍並不是天天有機到，而馬來西亞航空就時間不好，香港去沙巴係下午三點幾，回程就上午十一點幾，即係少了一天玩，好唔抵，最後就係平價的Air Asia，它是晚上19:50起飛，雖然去到已23:00，但可以放工後出發，不用請多日假，幾好呀！而回程就下年四點幾，就真係玩足五日五夜。
Air Asia亦有package買，我都覺得幾ok抵，但它的訂購系統就非常之蠢，點解我講，現在話比你們知，大家睇完都應該有同感，話說我想book 30/8/2011至4/9/2011的機票加四晚酒店package，原來系統係不可以的，一定要book足五晚酒店仲要係同一間添，係咪攪笑.，好多航空公司都可以更改酒店日數嫁啦！因為我想住一日好多網友都話勁正的 Gayana Eco Resort,所以就分開book 機票及Hotel。但我研究過，如果幾日都住同一酒店，Air Asia 的package係最平的。
Air Asia同大部份廉價航空公司一樣，機票係平，但就每一項雜費同你計。而每天出發及回程的價錢亦有不同，好似我book 30/8price係$574去程，但前一天($780)及後一天($930)山發已相差，而回程我都是$574，但後一日竟然是$1320，真係誇張，所以真係要每天check住睇下邊日平。機票價錢來回是$1148，但加埋機場稅、燃油附加費、行李費及上網訂票費等，二個人加埋共$3482，，比起其他的已經好平好抵。
酒店方面，大家都要上網 Search下，睇下在酒店 Website book平D定經agent平D，最後我發現是經沙巴local tour公司訂最平，以我book 的hotel 為例，一晚Gaya Centre Hotel $430( Deluxe sea view )包埋早餐加埋tax，而Gayana Eco Resort ( Pantai villa lagon view)$2,350亦都包早餐及tax, 比在它的Website及在Agoda book平很多Local Tour方面我就join API Tours，有朋友跟過介紹我的，我將我的行程話比他們知，他們有專人聯絡，book好晒行程及酒店後，只需要比20% deposit，仲可以用信用咭添，好方便，聽講完美假期是要去銀行入數的，而且係要比半數，個人覺得好似API Tours均真D，如果要取消去不到
，損失無咁大。
還有一個月就出發，好期待呀！
沒有留言:
張貼留言