仲有一個月就出發了

哈哈哈，還有一個月就出發出日本中部了，好期待呀！
所有行程都編排好了，名樣車票亦預訂好了，只等待出發。
雖然並不是第一次自由行，但今次有D緊張，因為去的地方實在太多又太大範圍了。
好驚安排出錯，誤了乘車的時間，因為果邊D車好耐至有一班，miss咗，可能要等一個鐘至有下一班，幾咁驚呀。
而且我們要上立山黑部，我驚會好寒冷，四月D氣溫可能只有幾度，甚至是零度以下，擔心頂唔順呀！我好怕凍架。又怕周老闆身體應付唔到，都係我自私，我貪玩，唔應該咁快就同佢去D咁凍嘅地方玩，雖道佢話無問題，佢已經康復，去邊都得，但始終我個心都係好驚。
我們都好期待呢次嘅旅行，因為呢一年，我們已經好辛苦同好艱難咁過，希望去一去旅行，可以令大家都會身心舒暢D，佢真係需要去玩下、食下、開心下了，因為呢半年，最痛苦及辛苦的是佢，我希望佢可以開開心心咁去玩呀，玩完回來可能增埋磅呢！咁就更加好