病魔又來探我了

點解你呢個衰嘢又來探我呀！我同你唔係好熟，唔洗咁客氣成日來探我啦
剛剛先好番，還未夠一個月，病魔又來了，喉嚨好痛呀！痛到半夜醒了，大獲呀！
今次我唔敢睇小佢了，快快去睇醫生，以免佢嚴重下去。
上個月我就大意輕敵，遲了2日去睇醫生，就攪到又喉嚨發炎又發高燒，最後變成氣管炎，要請了我一生人最長的病假，共七日病假，幾利益呀！病到我死死下，辛苦到痺呀。呢個星期叫就復完，點知今日又來，算點呀！

最近D天氣忽冷忽熱，上午好熱，下午又話凍番，都會令人容易生病。樓上樓下D姑娘朋友都話最近幾忙，好多人病呀！我睇番D紀錄，原本我每年2月同3月都會病架，仲係重病果隻，睇嚟我要小心D23月了。

我要快D好，因為復活節我要同父母及哥哥哋去玩呀！