28 March2013 ( Day 2 ) 熱海 Part II

ラビスタ伊豆山 LA  VISTA 

我們坐Shuttle Bus到達酒店，車程7  mins。它建築在山上，就在MOA 美術館附近，比美術館位置更高。
我選擇呢間酒店，因為佢有貸切露天風呂，我本來在Jalan book了，最高層75海景房，吃鮑魚及龍蝦剌身，每個人要￥20000，好貴呀。後來，再睇下其他網，發現有另一間Yukoyuko (ゆこゆこ)比jalan更平，只是沒有了龍蝦剌身，但只需要￥13800一個人，好抵呀！所以就cancer了jalan ,改了在yukoyuko訂，手續同jalan一樣，住完先比錢。

yukoyuko ゆこゆこ:    http://www.yukoyuko.net/

 伊豆山酒店只有7層，共有43間房。

酒店外貌

      

   

 

 

 

 

 

 

 

 

酒店大堂小花圃


Check in 時，我順便叫佢哋幫我明早call部 taxi，因為shuttle Bus 要9:15am至有，我就要8:45am 要離開，佢哋好好，話開車，車我們呀！

Book房時， 介紹房間的內容係咁寫嘅 : 最上階海側和洋室75m，照字面意思，我估係最上層，向海，75平方尺，當時睇相，只覺得好舒服同舒適，渡假一流。

從電腦download 下來的相
攞了key ，就搭lift，我們的房在7樓，是最高層。

木製Key牌

房間大門

睇個門口，同其他房無乜分別，但當我們打開門後…嚇了一跳，嘩嘩嘩…怎應可能呀，咁大嘅。我估計，這應該是全hotel最大的房間。

一開門，有條走廊，左邊第一個房，是浴室同化妝間，第二個房是toilet，右邊就是睡房。
走廊

浴室同化妝間

獨立的toilet

睡房


行到走廊盡頭，更加不相信自己的眼睛，有無咁誇張呀！左邊竟然有個廚房，右邊有個日式客廳，而最前面，就有個可以玩體操的大客廳，仲有張按摩椅添。真係細心體貼，仲有個望海的露台。


媲美豪宅的廚房

日式客廳

大到可以玩體操的大廳

睇完D相，大家覺得點呢？係咪好想住呢。
小沙B並不是第一次住溫泉酒店，但就真係第一次住咁大間房，以咁嘅價錢 ，一泊二食￥13,800真係好抵，好正。
如果各位去熱海，我非常推介住呢間Hotel

而且，佢哋仲有個貸切露天風呂，住客可以免費，有50mins，3日前就接受預約。
我最喜歡浸溫泉，露天更加正，可以一邊浸一邊睇星星。

個露天風呂在六樓，服務員會比條key你，你去開門就可以，那裡仲有個休息房，有放衣服的籃，梳化及按摩椅。
從hotell 度download的露天風呂相片

小池B操刀的實景

浸完溫泉，成身鬆晒。之後就是晚餐的時間，Hotel 有二個時間比你選擇( 5:30 or 7:30)，我就揀了7:30。
晚餐同早餐都是在地下的餐廳食。晚餐採用半自助形式，有沙律、飯、麵、意粉、湯、甜品、生果…等。主菜就每個客人都不同，我們就是鮑魚，隔離檯有長腳蟹，有牛扒…等，特別一提，仲有Tempura，是即叫即做，無限order嘅添。

熱海近海，所以海鮮出名，我們book的晚餐，是每人有一隻鮑魚、刺身及海鮮火鍋(金目鯛、大蜆等…)。另外，我們想試下龍蝦刺身，所以，三日前book溫泉時，順便order埋，一隻龍蝦刺身￥5000，我覺得價錢都OK。呢個set都幾好味，隻鮑魚都ok大，個waiter會幫你燒，燒好後，仲幫你切埋片添，嘩…好鮮甜，好好味，又唔韌。反而隻龍蝦，就無我預計咁好，無乜龍蝦嘅味道，好淡味。

大致上，呢餐咁嘅價錢，其實是好滿意嘅。

美味的晚餐

海鮮火鍋

超鮮甜鮑魚

龍蝦刺身

無限order的Tempura

吃完餐飯，差不多九點。我們只在酒店裡面行下。地庫仲有個溫泉，但我們沒有去浸。

男女內湯


逛完一陣，我們就返房，享受下，熱海寧靜的晚上。

露台外的晚空


呢間Hotel，仲有一個窩心處，就是10:30pm有免費的宵夜，是即煮橋麥麵。我們當然不會錯過，去8一8，周老闆都唔蝕抵，食了一碗。

熱海，其實真係無乜特別。
如果有時間，我會建議大家，先到伊豆其實地方遊玩，熱海只作宿一宵，咁會充實好多。