29 March 2013 ( Day 3 ) 御殿場Gotemba Permium Outlets

今天天氣好好呀！陽光普照，藍天白雲，人都精神爽利D。
我們會去御殿場Gotemba Permium Outlets，因為要就D JR班次，所以，我們又要早起 (7:30am)。梳洗後，就到餐廳吃早餐，是Buffet 呀！種類都大眾化。

吃完早餐，我們就要離開呢間咁嘅酒店，好唔捨得呀。
當我們去Check out時，酒店送了份禮物給我們，因為，我book時，講這是我們的結婚紀念日，可能咁樣，佢哋就送份禮物喇。份禮物好靚，但就好難帶走，是一盤鮮花，沿途我們都小心奕奕，好驚整爛牠。

PS :好可惜， 經過幾日的操勞，再加上又要坐飛機，在沒有太多新鮮空氣之下，盆花已經凋謝了，救唔番，周老闆好唔開心呀！

美麗的盆栽

伊豆山的清晨

伊豆山LA Vista 再見了
Hotel用部七人車，送我們回熱海駅，實在太好了。

到達熱海駅，我們可以用張JR Kanto Area pass， 由熱海 乘9:17am的JR 到紹津。之後就再轉御殿場線 (國府津行)到御殿場駅，呢程車係要比錢的，但唔知點解，當我去買車票時，職員話唔洗買，可以用Pass，既然佢咁講，我緊係唔客氣啦！慳番￥1300。到達御殿場駅，我憑記憶同小小印象，知道點樣行去搭Shuttle Bus，去到剛剛Bus開了，要等四個字先至有車呀。

御殿場駅

Shuttle bus站 時刻表 

差不多11點，我們到達Outlet。第一件事，是先到案內所換領優惠卷(只限國外人換)，好着數架，會多5-10% less，所以大家一定要去換呀！
本來我之前已上網已book了由御殿場回新宿18:00pm的bus，但在案內所，比我發現了，原來每天有一班19:00pm的bus回新宿，價錢都是￥1600，太好了，可以多一個鐘Shopping，我緊係改搭呢班車喇，因為小沙B最Shopping，時間越多越好。

御殿場Outlets

案內所外面

回新宿的Bus catalog


Shopping 開始，其實，我一早已經想好去邊D鋪頭，但呢度實在太大，太多嘢行，而且我太多心，根本唔夠時間呀。
行了七個鐘，收穫非常豐富，出了好多。

好多謝周老闆，又要陪行，仲幫我揀埋，再加埋要攞住咁多收穫，辛苦晒佢。佢係少數的男人，愛陪老婆行街街嘅，陪我shopping時，唔會唔高興，而且仲好樂意添。有D收穫仲係佢揀嘅添。
Outlet最抵買的是Beams，Levi's牛仔褲，有D只是￥2900 ,而Ralph Lauren 嘅Polo T- Shirt 只要￥4900，而且買第二件半價，真係好抵買，Adidas都平，我買了二對波鞋做開工鞋，加埋discount卷，只需要￥5000，平到笑，我仲幫侄仔買了隻G-Shock手錶(￥7000)，見隻電子鐘平￥1000就買來看門口，最後在Francfranc買了個電子磅(￥1290)同一個接得埋的漱箕(￥500)。

現在D匯率低了，￥1000只是港幣八個半到，更加正更加抵買呀！

最愛的Beams (有3件係周老闆揀嘅)

Beams 銀包

Gap ,Ralph Lauren ,Tsumori Chisato,Dog Drpt (有2件都係周老闆揀嘅)

Levi's牛仔褲

Francfranc

Adidas 波鞋

G-Shock錶同電子鐘

行到六點九，就去Bus 站等搭Bus。好準時七點就開車。其實，如果想慳D車錢，可以用番張JR Kanto Area pass，搭JR由御殿場去國府津再轉車回新宿或池袋，但咁樣就
浪費好多時間，因為JR班次好疏，而且行了一天，又有戰利品，我估大家都已經無乜腳骨力，再舟車勞動了。

回到新宿，我們仲要轉車回池袋的Sunshine City Hotel,嘩…真係行好遠呀，真係不建議住呢間 Hotel