沖繩第三天 I

今天，周老闆已經好好多了，不像個病人，點解咁講，哈哈…因為佢開始打機囉，有精神打機，即係無事喇。
 
醫院7:30am派早餐，是日式早餐，有麵豉湯、白飯及一碗蔬菜，周老闆仍然唔想食嘢，他叫我吃了佢，個早餐又幾好味，可能我太肚餓。

大約9時，一個高級醫生帶住幾個實習醫生巡房，好似香港咁。是昨日果個靚仔醫生呀！他話已經留院觀察了一晚，無乜特別，今早可以出院了，太好了。

我們不需要出去辦出院手續，D職員會拿埋藥來解釋，醫生開了D止痛藥比佢。解釋完畢，當然是要繳費用啦！

之前講過，更加令我意外的事情就在此時發生

不用繳費

吓吓吓，唔係呀！不用繳費，真的，醫院所有的費用，由OTS租車公司負責，亦因為果份安心保險包埋。每天只是￥525，四天共￥2100，就幫我找了醫院及整車的費用，實在太著數了，我忘記了問費用是幾錢。

他住了一晚醫院，照了頭部CT、X-Ray及打了點滴等，我估計，費用都要港幣萬幾蚊，因為我昨天都在急症室睇了醫生，藥費及診金要￥7980，同香港差不多，所以，我估住院費都應該同香港差不多。

德州會病院

所以租車時，大家一定要買埋安心保險，意外真係唔知幾時有，比多小小錢，保障大好多，玩得更加放心啦。

攪掂出院手續，我們就坐的士，返回那霸市的Richmond Hotel。去日本咁多次，我都係第一次坐的士，我以為離好遠，要好貴的士錢，但又不是，只需要￥3790，幾抵呀！

到達Hotel只是11點，我要求提早Check in，Hotel 話提前要比附加費，每小時要￥1000，現在要比多￥2000，無所謂，最緊要快D上房，等佢休息多D。
 
其實，昨晚我check 過有無機位可以回香港，今天全部都full，明天就要upgrade機位，要萬幾蚊張機票，我們覺得沒有這個必要，反正17號就回香港，只是差一天，實在太浪費。