：（
因為航班延誤，去到褔岡都己經差不多5點。由國際空港乘Bus到國內空港大約10mins，下車就會見到地鐵站，好方便。我們買了張地下鐵1 Day pass ￥520 ，我們首先到博多駅，買JR 5 day 北Pass，果度有個識講廣東話的男服務員，所以好順利買到，原來個Pass已經加了價，現在是￥9260 ，我們預約埋之後的車票添。
JR Kyushu rail pass
跟住再乘地鐵到中洲川端，今晚住的酒店 Hotel Resol Hakata，位置非常方便，真係行1 min就到駅。酒店雖然在紅燈區，但一D都唔噪，而且間酒店好新，房間好乾淨。
酒店的lobby 在13樓
semi d room 實況
放好行李，我們就出去搵吃。旅遊書介紹了間有幾十年歷史的拉麵店(暖暮拉麵)，就在酒店附近，我們就去試下。
暖暮拉麵的招牌拉麵
吃完拉麵，我們再乘地鐵到天神地下街，地下街8點已經關門，我只是逛了一陣。
跟住又乘地鐵回到中洲川端駅，我們沿河邊行，希望找到九州出名的屋台。
沿途的景色
慢慢行下 ，欣賞下寧靜的街道。我們行了半小時就發現了幾間屋台，生意好好，每間都坐滿人，每間都名有特色，有吃拉麵、關東煮、炭火串燒…。我們就揀了串燒，屋台內其實
好細，只可以坐8-10個客人。
屋台的外貌
我們在雪櫃裡揀選食物，其實係用手，東指指西指指，因為我不懂日文，只有用呢D原始方法喇。2串煙肉金菇卷、2串冬菇、2串雞腎另加一支可口可樂，嘩嘩嘩…我估5到咁貴呀！屋台雖然叫做有D特色，但價錢有D過分呀，竟然要￥1900，味道又不太好，不像炭火燒，下次我一定不會再試。
￥1900的食物
吃完，又慢慢行回酒店，酒店附近好旺，有好多居酒屋、酒吧、夜總會。
見到有間通宵營業的壽司店，個肚又5係好飽，我們就再吃過。D壽司好新鮮呀！好好味道，個清酒煮蜆，更加無得頂，每隻蜆都好肥，沒有沙，超正。
吃飽飽，真係要返酒店了，因為明天要早起。
沒有留言:
張貼留言