九州之旅 Day 2 豪斯登堡 One Piece

豪斯登堡One Piece

今天，天氣好好呀！陽光普照。

一早就起身，要搭地鐵由中洲川端到博多，再乘8:34 JR特急ハウステンボス3号，到豪斯登堡。因為是平日，所以唔係好多人搭車，車廂內並不太特別，好普通。

 豪斯登堡號

  車票

我們的早餐 

 

天朗氣清，藍天白雲

 

坐了一個鐘頭九個字車，才到達豪斯登堡，從車站可以遙望到日航酒店，天氣真係好好，咁樣先可以開開心心地，同海賊王Luffy 一齊出海。

遠看的日航酒店

 

豪斯登堡駅其實好細，一眼已經睇晒。

  

                                     

                                     

行出豪斯登堡駅，沿路行首先會見到日航酒店，跟住再行5mins 就會到達豪斯登堡的大門口。真係無乜人呀！

                                   

豪斯登堡大門入口

我們往Watermark Hotel,是在豪斯登堡另外一邊，即是Free zone 海賊王果邊。在豪斯登堡大門入口則，就有個hotel  接待處，只要比張訂房單她們看，就可以免費幫我們將行李送去酒店，而且有shuttle bus送我們過去添。

Hotel免費shuttle bus 

大約坐10mins bus 就到達 Free zone區。

下車後，你就會覺得自己置身於One Piece的世界，你會聽到One Piece的主題曲，四周都有海報。我到豪斯登堡，都是想嚟呢度，所以，一落車已經興奮到爆，加上咁好天氣，真係正到暈呀！

會用另一篇，特別講同Luffy 一齊出海

 

 

我們落車時，已經錯過了11:00am 的乘船時間，所以就買定1:00pm。

 船票

 

 買完飛仲有大把時間，緊係周圍行下，影下相喇！遊客好少，可以好輕鬆咁影

 

One Piece專門店都好細，唔係好多嘢賣。我們買了D嘢後，就去海賊王餐廳吃午飯。餐廳沒有太多食品選擇，而且食客只得小貓三幾隻。

牌牌

餐廳內，有好多one piece的公仔及擺設。

我們當然係order最出名的2樣嘢喇。賣相幾好，味道就麻麻。

我們的午餐

吃飽飽，我們就預備同Luffy山海

 乘船入口

上到船， 我第一時間上頂層，因為Luffy在果度，而且遊人通常先行低層，所以，一早上頂層，一定可以同Luffy影到相。而且，由上而下，仲可以避開人潮添，這是我的經驗。

要成為海賊王的Luffy，幾型呀

Luffy的伙伴們

要成為世界第一劍豪的Zoro索隆

美麗動人的航海士 Nami 娜美

 長鼻子發明家Usoppu 烏索普

 超可愛的船醫 Chopper 喬巴

玉樹臨風的大廚 Sanji 山治

 有知慧的考古學家Robin羅賓

大隻又感性的船匠Franky弗蘭奇

 有美妙歌聲的布魯克 Brook

基本上，約半小時的航程，一定可以行晒每個角落，大家放心吧。

原本的行程是，落咗船， 我們就入豪斯登堡，但最後，我們沒有入，因入場費要￥3000，我們只有四個鐘行，好似不夠時間，而且，很多人都話入面唔係咁好玩，我來呢度已經達到目的，其他的，去不去都無所謂。

三點鐘，我們就到Watermark Hotel check in。間房與網上面的一模一樣，幾大間，雖然有D舊，但都幾靚。

酒店外貌

房好大呀！

 休息了一陣，出去逛下，見到有個花展，又免費，所以入去8下，D花好靚呀！

我book酒店 時，揀了包dinner buffet的plan，時間是6:00-10:00。
我們是第一個客人，可以隨便坐，我更係坐window seat喇！

餐廳外貌

 餐廳內觀

 

可以一邊吃，一邊對住Sunny 號，幾開心呀

食物種類不算多，但以咁既價錢都ok架。

好攪笑，我們好似包下整間餐廳咁，只得我倆。到7:30 至有一團馬來西亞客人

餐廳的環境真係幾好，面對海景，睇到Sunny 號，又睇到日落，簡直雙倍享受。

 吃完buffet ，我們再慢步欣賞這裡的美景。

 晚上的Sunny 號

晚上天氣冷了好多，好大風，所以大家記住帶外套呀！

原本，明天的行程會到佐世保坐觀光船，但周老闆話今天已經坐過船，無乜興趣，不如改下行程，去Shopping，Shopping 我最鐘意呀！就係咁，改了去鳥栖Preium outlets

明天要早起，返去早D瞓先