小沙B 40歲

明天就是小沙B的牛一，嘩嘩嘩…咁快就四張嘢，都唔好話唔得人驚。
之前，我都有想過下要點樣去慶祝這個日子，人哋話女人四十歲是個大關口呀！而且今年十月份有一個更好的事情，想同生日一齊特別慶祝。這件事，真係要好好地慶祝一番，小沙B終於於四十歲供滿層樓，有物業在手了…哈哈哈，心情真係非筆墨能形容，太好了，真係開心到振呀！
但最近發生太多事情，我實在好忙，忙到個人真係好倦好倦，根本都無心情去想怎樣慶祝，而且明天老豆仲要入威爾斯醫院，預備做射頻手術，更加影響心情喇。想都無想要怎樣過明天，我已安排的是我會同老豆入院，跟住同媽媽吃個午餐，多謝佢帶我到這個世界，給我溫暖的家，之後就明天再算。

唔知係年紀大了定係最近太操勞，少了休息，對腳好唔聽說，前幾天仲抽筋添，痛到我死下死下，呢幾日行都唔想行呀！點算呀！仲有好多嘢等我做嫁，上天請你體恤下我！比我強壯D，繼續樂天地面對所有事情喇！