終於接到醫院電話了

今天早上伊利沙伯醫院終於打電話來了，問周老闆可否11:00am回到醫院再mark多次位置，及明天下午2:45pm做電療。等候呢個電話真係剛剛好是四個星期，醫院真係無講大話，話等四至六星期就真係咁上下。可能十月頭太多假期，醫院通知唔切病人會，所以會咁突然，話明天就做電療，無所謂啦！反正都係預備隨時就做，但是希望早幾日通知，我們有所安排，例如佢去剪頭髮，約朋友見下面，我還要同佢去食好D，等佢食D好美味既食物，因為佢好鐘意食野嫁，我驚佢第日無胃口食野呀！

做電療前5日，D速癒素就要每天飲3次，現在就不能夠跟住做了，好彩個幾月前前我已經叫佢早晚飲一包姐，好在已打了底，希望電療後遺症對佢無乜影響啦！
請保佑他啦！