老豆出院了

 老豆真係醒啊！入院又揀假期(十月一日國慶假期)，出院都係揀假期(重陽節)呀，令我們好方便同更好準備。醫生一早去巡完房就話今天可以出院，老豆就打電話比陳太，陳太就打比我，但我昨晚忘記將個電話開番大聲，miss咗了幾個call，好彩陳太醒，打電話比周老闆，唔係就大件事，點解佢唔打來屋企，可能驚嘈親奶奶。

去到醫院姑娘解釋了現時老豆的情況及出院後的跟進，好快就可以落一樓會計部比錢及藥房攞藥，可能是假期一樓無乜人，前後5分鐘就攪掂。老豆今次住了5日4夜，只需要$四百大元，張收條會列印埋如果你不是香港居民的收費要$14,000，$14,000我覺得價錢都幾OK，因為醫院真係提供好多設備及醫護人員，如果這次在私家醫院一定更加貴。