23April 2012 (Day2 Ⅱ)立山黑部

期待已久的立山黑部,我來了
在松本乘9:56am的JR大系線到信濃大町,到駅已經可以買齊由信濃大町至富山的pass(￥9390).
.

我們先乘巴士由信濃大町到扇澤(40mins)，全車只得10人，沿途都有風景睇，由青青翠綠，慢慢變化成雪地,天陰陰，想下雨天氣亦開始下降了。

信濃大町駅

扇澤駅

※請好好保存呢張票，因為搭各種車,都要出示佢,佢好重要架※

再由扇澤乘電軌巴士(16mins)到黑部水庫，我們行了二伯幾級樓梯去到瞭望台，因為落雨，根本乜都睇不清楚。黑部水庫全結了冰，都唔知以前D人點可以做個水庫
出來。

由黑部水庫行15mins到黑部湖，有時又下雨有時又有太陽,幾玩嘢呀！

從瞭望台望到已結冰的水庫

沿此路行去黑部湖

到達黑部湖乘纜車到黑部平(5mins)，都唔係好多人，有位坐添。
黑部隧道電纜車

在黑部平再乘立山纜車到大觀峰(7mins)，在這裡開始人多了，有一台灣旅行團，幾十人呀！架纜車都可以容納好多人，但就無法郁動，連相都影唔到呀！這段車
程可以欣賞到立山的山脈，好壯觀。
去到大觀峰我們更係上展望台睇美景，但真係太大風大雨，又係乜都睇不到。
再乘電軌巴士到室堂(10mins)，本來第一時間就去睇雪之大谷，但因D雨越來越大，根本不能夠行去。所以就決定先吃午餐，之後再去闖。

室堂駅內的麵店，幾好味的蕎麥麵￥800，菜包￥260

吃飽飽後，精神為之一振，體力回復番小小。繼續我們的立山雪之大谷的行程，可惜…
外面D雨不但沒有停，反而更加大同密，我們穿住雨衣加雨傘，都不足夠去抵擋。而大部份人都好似我們咁，去不到雪牆呀。離遠可以見到小小雪牆，但
就睇不清楚，因為大風大雨，D視野根本就好糢糊，氣溫只是零度。
無辦法了，今天應該睇唔到雪牆，失望…
好彩我們會在室堂留宿一宵，明天還有機會睇，如果有D朋友即日來回的話，就浪費了，看不到雪之大谷，好像是白來一趟立山黑部咁。