24April 2012 (Day3 ) 立山黑部雪之大谷

24 April 2012 (Day 3)雪之大谷
昨夜瞓得好差，房間的溫度好高，我們已經沒有開暖爐，仲打開埋窗，但感覺仍然好熱，而且勁乾燥，D水汾好快流失咁，我要不停起身飲水，至覺得喉嚨舒服D，好難受呀！
瞓唔到，就到窗邊八下，嘩…已經沒有下雨，天氣已好轉，個天仲好明亮，天上好多星星呀我未見過咁多星星架，而且係好密集的繁星，因為在高山，D星星離我們好近，一閃一閃小星星，真係好靚呀，可惜部相機影唔到，不能同大家分享咁靚嘅夜空。

山莊的早餐時間為6:00am-7:30am，早餐都OK啦！我們吃完就到外面行下，因為昨天根本就無機會行。整個山莊都係用木來建成的，幾特別下。因為是剛剛開山，所以還被厚厚的雪包圍住。山莊的check out 時間是9:00am，而雪之大谷就會在10時至3時開放，所以我們8:30am就離開山莊，向旅程的重點《雪之大谷》出發，今天一定會看得到。

山莊的早餐

山莊的外貌(我的房就是2樓第二間)

清晨雪山上的天空(在房間影出去的)

 

呢舊雲好似個小朋友在笑緊咁

今天天氣好好呀，天公一定係聽到我許願，比我願望達成。沿路行回室堂駅，已經好熱鬧，人亦多，男女老幼都有，更多是愛好滑雪的人，佢哋好勁呀！幾十磅裝備，長途跋涉咁來滑雪，真佩服佢哋。
因為有太陽伯伯，唔係太凍。一步一步進入雪之大谷，好興奮。

嘩…好高呀！今天有17M。當你沿路行時，你會覺得好得意，在雪與雪之間行走，感覺好期妙，而且仲會想下，冬天的立山，被雪封蓋住，究竟是點架？冰天雪地D工作人員點開山同上來的呢

呢塊牌就話你知，今天雪牆的高度

雪牆最高點

我的傑作 24/4/2012

呢得是室堂駅的外貌

我們慢慢行，細膩地欣賞這個天然美景，它真係好壯觀，好宏偉。雖然昨天真係好辛苦，但比我睇到今天的美景，一切都係值得的。

我們乘12:00pm的立山高原巴士(50mins)到美女平
立山高原巴士

美女平


美女平駅外面

再轉乘立山電纜車(7mins)到立山駅
立山電纜車

立山駅

去到立山駅(1:17pm) ，再轉乘1:34pm的富山電鐵到富山。

富山電鐵

車廂內籠 (好少人搭架)

到達富山已經2:35pm，我們要乘2:47pm的JR北陸本線到金澤，但由電鐵行去JR駅的路，正在進行裝修工程，我們要跑去趕車，又上樓梯又落樓梯，走到我們死死下，好彩趕到，如不幸送車尾，就要等上一小時至有車呀！
離開了富山亦代表著，我們的立山黑部行程完結了，好開心可以順利完成呢個部份。

坐了一個鐘至到達金澤，因為行錯方向，找了好耐至到今晚住的Hotel (加賀の湧泉Dormy Inn Hotel)
我們從松本托運的行李，酒店已經幫我們放在房內，不用自己動手搬。房間都幾好，我們會連泊2日，上Jalan訂連泊2晚加素泊好抵，只需￥13000，勁勁抵住。

金澤 (加賀の湧泉Dormy Inn Hotel)

因14樓有溫泉浸，所以沒有浴缸

放低行李，休息了一會，又出發了。在附近個商場吃碗麵，醫下肚先，因為早餐後，就無吃過嘢，好餓呀。

天婦羅蕎麥麵、牛肉烏冬

之後就在商場行下街街，見有間藥店就入去逛，我最愛逛藥店，係瘋狂果隻呀！在藥店買嘢要拉咭！幾痴線呀！嘔了好多血呀！

呢D就是在藥店買的一部份戰利品

中部的行程，立山最為複雜，旅遊書亦介紹得少，所以令人感覺好難去，未出發真係會好驚，但現在去完，可以告訴大家，其實並不困難，只要預備好行程表，再睇清楚D乘車時間表，就會一目了然，應付得到，而且仲要不怕醜，路在口邊呀！
立山黑部我們覺得好值得一遊，雖然它的交通費高昂，仲要夾啱時間出發，但是它的美麗、壯觀景色，你睇完後，會很難忘記，真是個到日本一定要去的好地方。