臨時決定去加拿大

去日本中部旅行前二星期，因叔仔可以放一個長假期，所以，周老闆就打算同佢及奶奶一起去加拿大探大姑奶。
去加拿大探親，當然並不會只去一星期喇,佢哋打算去一個月呀！我其實有D唔開心架，一個月，好長的時間呀！我點可以離開周老闆咁耐呀！

呢十年，我同佢好少分開多過好五日，五日果次是幾年前，佢去菲律賓潛水，跟住就是佢入醫院做手術果3日，一個月，太太耐了。我唔知自己會怎樣過呢段日子呀！

其實他們都有叫我一起去，但是我剛剛放完大假，又點再放呀！所以打消了這念頭。

距離出發仲有一星期，我更加唔知點咁，有D情緒低落。死啦點呢！死就死啦！走入去同老商相量下先，同佢講我想去加拿大呀

以下是我們的對話

我: 我有野想同你商量，我想去加拿大
老闆: 你仲有大假咩
我: 有，七月就有，去日本的假是舊年的大假，今次就預支明年的假
老闆: 幾時去，
我: 下星期二(22 May 2012)就出發，
老闆: 下…今日是15號窩，咁急
我: 係呀！我知唔係咁好，所以同你商量，如果你唔ok，我就唔去
老闆: 唔放你，我又講唔出，你黑口黑面對住我咪死，放啦放啦，去玩又真係好開心既
我: 係囉，呢年我咁辛苦，真係要放下假，休養下嫁！唔係命都無呀
老闆：咁又係，呢年你又的確係辛苦既，咁玩開心D

就係咁，在老闆通融的情況下，順利拿到大假，我就同周老闆一起向加拿大出發。我就去十日，.他們就逗留一個月。

我們會在東京轉機，再到溫哥華。這個月是我第二次到日本了，上個月都係22號到日本的