我們冒着大風大雨，由室堂駅行去今晚住宿的室堂山莊，原本只需要10mins的路程，我們足足用了超過半超時，那段路行得好辛苦呀
！整個室堂都佈滿厚雪，隻腳一踏入雪內，就好難先可以抽番出來，而且有D硬雪又非常濕滑，真係一步一驚心。呢段時間去立山，最好做好準備，要穿防滑防水的鞋，帶太陽眼鏡、雨傘及雨衣呀！我們就是在這環境下行去室堂山莊，幾乎伸手不見五指
我的背影呀！舉步難行呀！山莊就在前面
呢張相是第二日影的，所以可以清楚睇到個指示牌
到達室堂山莊，我們下半身已經濕透了。Check in後個staff就講解下我們房間的位置，男女浴場方向，晚飯及早餐的時間等。之前交條鑰匙比我們，要自己去找尋房間，一切都非常自助架。
入到房，嘩嘩嘩，係百無架！只得一張茶几，一部大暖爐，水、杯都欠缺，牙膏牙刷毛巾就好安靜咁在一邊。我們住二樓，洗手間就在隔壁的隔離，都好近
。換了D濕衫褲，掛在房內，突然記起，山莊好像有個暖風房，比人吹乾D衫、褲、鞋、襪咁嘅，就行去找下啦！真係有架，立刻將D嘢放入去吹乾先
。我們住的房間
房內的狀況(茶几上D嘢是我們的)
房內亦有一張紙，話你知吃飯、入浴的時間架
給你去浸溫泉用的毛巾
這是從房間窗口影的相片
浸完溫泉，成身鬆晒
！休息了一陣，到六點我們就去食晚飯 (6:00pm-7:30pm)。個晚餐是逐份放在檯子上的，個餐都唔差，有煙三文魚、炸雞、春卷加一D前菜。坐埋去，個staff就會拿飯及麵豉湯比你，唔夠可以添飯同湯架。我計過了，今天山莊共有12個客人，我同周老闆，另加1個香港人，2個台灣人少女，其他的全是日本人呀！
飯後問staff要了壺熱水上房飲。
餐廳的面貌
晚餐
在山上是無娛樂架，真係比你休息及享受零靜的，所以好早整個山莊就安靜晒，連D職員都唔見埋架。
今天太早起身，我們都好早就睡覺(8:30pm)
，外面好靜，靜到只聽到風聲。PS:提一提大家，山莊不會來幫你鋪床，請自己動手
沒有留言:
張貼留言